اسلام آباد (بگ ڈیجٹ) محکمہ موسمیات نے گرمی کے ستائے عوام کیلئے بارش کی نوید سنا دی

اسلام آباد (بگ ڈیجٹ)(آئی پی ایس) محکمہ موسمیات الرٹ نے آج اور کل گرد آلود ہواؤں کے ساتھ بارش کا امکان ظاہر کر دیا ۔
بالائی علاقوں میں 23 اور 24 مئی کو گرد آلود طوفان گرج چمک کے ساتھ بارش کی پیشگوئی ہے ۔
محکمہ موسمیات کے مطابق مرطوب ہوائیں مسلسل ملک کے بالائی و وسطی علاقوں میں داخل ہو رہی ہیں ایک مغربی ہوا کا سلسلہ 24 مئی کو بالائی علاقوں میں داخل ہونے کا امکان ہےکشمیر، گلگت بلتستان، اسلام آباد، راولپنڈی، مری، گلیات میں گرد آلود طوفان گرج چمک کے ساتھ بارش متوقع ہے۔
اٹک، چکوال، جہلم، میانوالی، حافظ آباد، منڈی بہاؤالدین، سیالکوٹ، نارووال، لاہور میں بارش کا امکان ہے گوجرانوالہ، گجرات، شیخوپورہ، چترال، دیر، سوات، مالاکنڈ، مانسہرہ، بٹگرام، شانگلہ، کوہستان میں بارش کی پیشگوئی کی گئی جبکہ ایبٹ آباد، ہری پور، پشاور، مردان، صوابی، نوشہرہ، مہمند، خیبر، اورکزئی، کرم میں بھی گرج چمک کی توقع ہے ۔
بنوں، لکی مروت، کوہاٹ، کرک اور وزیرستان میں 23 اور 24 مئی کو بارش اور طوفانی ہوائیں چلنے کا امکان ہے ژوب، زیارت، بارکھان، سرگودھا، فیصل آباد، جھنگ، ٹوبہ ٹیک سنگھ میں 24 مئی کو بارش متوقع ہے ڈی جی خان، راجن پور، ملتان، بھکر، لیہ اور ڈی آئی خان میں گرج چمک کے ساتھ بارش کا امکان ہے۔