ہری پور (بگ ڈیجٹ) ڈی پی او ہری پور کی زیر صدارت ماہانہ کرائم میٹنگ کا انعقاد

 ہری پور(بگ ڈیجٹ) ڈی پی او ہری پور فرحان خان کی زیر صدارت ماہانہ کرائم میٹنگ کا انعقاد ہوا۔میٹنگ میں ایس پی انوسٹی گیشن ہری پور جمیل الرحمان ،جملہ ایس ڈی پی اوز ، ڈی ایس پی ہیڈکواٹرز ، جملہ ایس ایچ اوز اور دفتر سٹاف نے شرکت کی ۔ ڈی پی او ہری پور نے افسران پولیس کی کارکردگی اور ضلع بھر کے کرائم کا تفصیلی جائزہ لیا ڈی پی او ہری پور نے افسران پولیس کو ہدایات دیتے ہوئے کہا کہ ضلع بھر میں امن و امان کی صورتحال کو برقرار رکھنے، جرائم کے خاتمے اور عوام کے مسائل کے حل کے لئے تمام تر توانائیاں صرف کریں۔منشیات فروشوں، ہوائی فائرنگ اور دیگر جرائم پیشہ عناصر کے خلاف بلا تفریق کاروائیاں جاری رکھیں۔ مختلف نوعیت کے مقدمات میں مطلوب مجرمان اشتہاریوں کی گرفتاری کےلئے بڑے پیمانے پر اقدامات میں تیزی لائی جائے ۔اپنے علاقہ میں گشتوں ،سرچ اینڈ سٹرائیک آپریشنز اور چیک پوسٹوں پر چیکنگ کے نظام کو مزید موئثر کیا جائے۔ عوام کی عزتِ نفس کا خاص خیال رکھا جائے۔ جرائم کی بیخ کنی کے لیے ہنگامی بنیادوں پر کاروائیاں عمل میں لائیں اور جرائم پیشہ عناصر کے خلاف کسی بھی قسم کی نرمی نہ برتی جائے۔