اسلام آباد (بگ ڈیجٹ) پرنٹ اینڈ الیکٹرانک جرنلسٹس ایسوسی ایشن کی حلف برداری کی شاندار تقریب نیشنل پریس کلب اسلام آباد میں منعقد ہوئی
اسلام آباد (بگ ڈیجٹ) پرنٹ اینڈ الیکٹرانک جرنلسٹس ایسوسی ایشن کی حلف برداری کی شاندار تقریب نیشنل پریس کلب اسلام آباد میں منعقد ہوئی
تقریب کے مہمانانِ خصوصی وفاقی وزیر و چیئرمین پارلیمانی کمیٹی آن کشمیر رانا محمد قاسم نون اور چیرمین ڈیفنس کمیٹی و ممبر قومی اسمبلی سردار فتح اللہ میاں خیل تھے
پرنٹ اینڈ الیکٹرانک جرنلسٹس ایسوسی ایشن کی حلف برداری کی پُروقار تقریب نیشنل پریس کلب اسلام آباد میں منعقد ہوئی، جس میں صحافی برادری کی ممتاز شخصیات اور اراکینِ پارلیمنٹ نے بھرپور شرکت کی۔
تقریب کے مہمانانِ خصوصی وفاقی وزیر و چیئرمین پارلیمانی کمیٹی آن کشمیر رانا محمد قاسم نون اور چیرمین ڈیفنس کمیٹی و ممبر قومی اسمبلی سردار فتح اللہ میاں خیل تھے، جنہوں نے نو منتخب عہدیداران کو مبارکباد دی اور صحافی برادری کی خدمات کو سراہا، وفاقی وزراء نے چیئرمین ناصر خان خٹک کو کامیاب الیکشن کروانے اور حلف برداری تقریب منعقد کروانے پر مبارکباد دی اور نیک تمناؤں کا ظہار کیا، اس پُروقار تقریب میں جڑواں شہروں سے تعلق رکھنے والے صحافیوں نے بڑی تعداد میں شرکت کی۔ سینیئر صحافیوں میں بلال ڈار، نیشنل پریس کلب کے جوائنٹ سیکرٹری چوہدری جاوید بھاگٹ،نائب صدر سحر اسلم، فنانس سیکرٹری نیئر علی، ممبر گورننگ باڈی آسیہ کوثر، آر آئی یو جے کے نائب صدر بشیر عثمانی، اے پی پی سے خضر زمان ملک،راجہ ندیم اقبال، مدثر لانگ اور دیگر نمایاں صحافی موجود تھے جنہوں نے اپنے خیالات کا اظہار کرتے ہوئے تنظیم کی قیادت پر اعتماد کا اظہار کیا۔ تقریب میں نومنتخب صدر ساجد خان، جنرل سیکرٹری راجہ طاہر محمود، فنانس ،سیکرٹری روبینہ شاہین، ایڈیشنل سکرٹری نوید قریشی، نائب صدور ، محمد نعمان قدوس، ضمیر حسین ضمیر، خالد حسین شاہ، سعد عباسی، جوائنٹ سیکرٹریز، مشتاق احمد ملک، چوہدری گلزار ناز، راحیلہ راجہ، سید ساجد نقوی، انفارمیشن سیکرٹری قاسم جمشید، ڈپٹی انفارمیشن سیکرٹری ثاقب قریشی اور ممبران گورننگ باڈی صبا شاہین، محمد ارشد، چوہدری عاقب، راجہ نوید حسین، ناصر عباس، محمد شیر خان، انس سکندر، چوہدری امجد علی، رانا شہزاد نعیم، تنویر جنجوعہ، محمد جمیل، میاں عمران خان نے اپنے عہدے کا حلف اٹھایا۔ اس موقع پر تنظیم کی ترقی، صحافیوں کے حقوق کے تحفظ، اور آزادی صحافت کے فروغ کے عزم کا اعادہ کیا گیا۔
شرکاء نے اس تقریب کو ایک مثبت پیش رفت قرار دیتے ہوئے اُمید ظاہر کی کہ تنظیم نئے جذبے کے ساتھ صحافیوں کے مسائل کے حل اور ان کی فلاح و بہبود کے لیے مؤثر کردار ادا کرے گی.
