اسلام آباد (بگ ڈیجٹ) سی ڈی اے ہسپتال کی نجکاری کسی صورت قبول نہیں
اسلام آباد (بگ ڈیجٹ) سی ڈی اے ہسپتال کی نجکاری کسی صورت قبول نہیں۔ چوہدری محمد یٰسین ہسپتال کو آؤٹ سورس کرنے کی بجائے جدید آلات اور سہولیات مہیاکرکے بہتربنایاجائے۔ اورنگزیب خان سی ڈی اے مزدور یونین کے جنرل سیکرٹری چوہدری محمد یٰسین،صدراورنگزیب خان و دیگر عہدیداران نے کہا ہے کہ سی ڈی اے ہسپتال ملازمین کا قیمتی اثاثہ ہے اسکی نجکاری کا سوچنے والوں کا کڑا احتساب کیا جائے،سی ڈی اے مزدور یونین کیپیٹل ہسپتال کی نجکاری کسی صورت قبول نہیں کرے گی،اس سلسلے میں سی ڈی اے مزدور یونین نے چیئرمین سی ڈی اے،ممبرایڈمنسٹریشن،ایگزیکٹوڈائریکٹر کیپیٹل ہسپتال اور متعلقہ انتظامیہ کو چند ماہ پہلے بھی مطلع کیا تھااور اب دوبارہ خط ارسال کردیے ہیں جس میں ان سے گزارش کی ہے کہ ہسپتال کی نجکاری کوفی الفورروکا جائے اور ادارے کی سب سے بڑی سٹیک ہولڈرسی بی اے یونین کے ساتھ مشاورت کی جائے،کیپیٹل ہسپتال سابق چیئرمین علی نوازگردیزی مرحوم نے سی ڈی اے کے ملازمین کے لیے تعمیر کروایا تھا جس سے آج تمام ملازمین اور انکے خاندان صحت کی تمام تر سہولیات حاصل کررہے ہیں،سی ڈی اے ہسپتال بنانے کا مقصد ادارے کے ملازمین اور انکے خاندان کو علاج معالجے کی سہولیات مہیاکرنا ہے لیکن سی ڈی اے انتظامیہ ہسپتال کو آؤٹ سورس کرنا چاہتی ہے اور اس حوالے سے ادارے کی موجودہ سی بی اے یونین کو اعتماد میں نہیں لیا گیااور ہمارے ساتھ مشاورت کیے بغیرکمیٹی تشکیل دے دی گئی ہے، یقینا اس عمل سے غریب ملازمین کانقصان ہو گااور اس حوالے سے تمام ملازمین میں سخت بے چینی پائی جاتی ہے،سی ڈی اے انتظامیہ ملازمین کو ہیلتھ انشورنس کا جھانسادے کر صحت کی سہولیات چھینناچاہتے ہیں،اس موقع پر ہم چیئرمین سی ڈی اے،ایگزیکٹو ڈائریکٹر کیپیٹل ہسپتال سے اپیل کرتے ہیں کہ اس فیصلے کو فوری واپس لیا جائے اور ہسپتال کو آؤٹ سورس کرنے کی بجائے اس میں جدید آلات اور سہولیات مہیاکرکے ہسپتال کی حالت کو بہتربنایاجائے،اگراس عمل کو فوری طور پر روکا نہ گیا توسی ڈی اے مزدور یونین ہسپتال کی نجکاری کے خلاف بھرپور احتجاج کرے گی اورتمام قانونی جنگ لڑے گی اور اسکی نجکاری کسی صورت قبول نہیں کرے گی اور اگراس ضمن میں ادارے کا صنعتی امن خراب ہواتو اسکی تمام ترذمہ داری سی ڈی اے انتظامیہ پر ہوگی۔
