کراچی (بگ ڈیجٹ) سرکاری اہلکار پر تشدد کا مقدمہ: فرحان غنی اور دیگر کا 28 اگست تک جسمانی ریمانڈ منظور

کراچی (بگ ڈیجٹ)(آئی پی ایس) کراچی کی انسداد دہشت گردی کی عدالت نے سرکاری اہلکار پر تشدد اور دھمکیاں دینے کے مقدمے میں وزیر بلدیات سندھ سعید غنی کے بھائی اور چنیسر ٹان کے چیئرمین فرحان غنی ودیگر کا 28 اگست تک جسمانی ریمانڈ منظور کرلیا۔
فیروز آباد تھانے کی پولیس نے فرحان غنی اور دیگر ملزمان کو انسداد دہشت گردی کے منتظم جج کی عدالت میں پیش کیا۔
سماعت کے آغاز میں انسداد دہشت گردی عدالت کے جج نے تفتیشی افسر سے استفسار کیا کہ ملزمان کے کیا نام ہیں اور ان پر کیا الزامات ہیں، تفتیشی افسر نے بتایا کہ ملزمان میں فرحان غنی، شکیل اور قمر احمد شامل ہیں۔
تفتیشی افسر نے بتایا کہ ملزمان نے مدعی مقدمہ سمیت دیگر کو مارا پیٹا ہے، پراسیکیوٹر نے بتایا کہ مدعی مقدمہ اہلکارروں کی نگرانی میں کام کررہے تھے۔
عدالت نے پراسیکیوٹر سے استفسار کیا کہ جنھیں مارا ہے وہ کس ادارے کے اہلکار و ملازم تھے، پراسیکیوٹر ادارے کے حوالے سے عدالت کو کوئی جواب نہ دے سکے تاہم انہوں نے عدالت سے ملزمان کا 14 دن کا ریمانڈ دینے کی استدعا کردی۔

عدالت نے ملزمان سے استفسار کیا کہ آپ کے وکیل کہاں ہیں ہیں؟ فرحان غنی و دیگر نے کہاکہ ہمارا وکیل نہیں ہے۔

عدالت نے استفسار کیا کہ اس کیس میں انسداد دہشت گردی کی دفعہ کیسے اور کیوں لگائی گئی؟ پراسیکیوٹر نے جواب دیا کہ مدعی اور سرکاری ملازمین دیگر کو تشدد کا نشانہ بنایا گیا اس وجہ سے اے ٹی اے لگائی ہے، جج نے استفسار کیا کہ ملازمین لیا کام کررہے تھے؟ پراسیکیوٹر نے بتایا کہ فائبر کی کیبل کا کام کررہے تھے۔

فرحان غنی نے عدالت کو بتایا کہ میں نے کوئی تشدد نہیں کیا مجھ پر جھوٹا الزام ہے، میں وہاں سے گزر رہا تھا تو میں نے رک کر پوچھا کہ کیا کام کرہے ہواور کس کی اجازت سے کررہے ہو؟ میں ٹان چئیرمین ہوں پوچھنا اور غیر قانونی کام کو روکنا میرا اختیار ہے، میں روڈ کھدائی کا پرمیشن مانگا لیکن انھوں نے نہیں دیا۔

جج نے تفتیئشی استفسار کیا کہ آپ نے ملزمان کو گرفتار کیا ہے یا یہ خود چل کر آہے ہیں؟ تفتیشی افسر نے بتایا کہ ملزمان خود چل کر آئے ہیں؟جج نے تفتیشی افسر سے پوچھا کہ ملزمان خود چل کر آتے ہیں؟، بعدازاں عدالت نے ملزمان کو 28 اگست تک جسمانی ریمانڈ پر پولیس کی تحویل میں دیدیا اور آئندہ سماعت پر ملزمان کو پروگریس رپورٹ کے ہمرا پیش کرنے کا حکم دیا ہے۔