اسلام آباد (بگ ڈیجٹ) وفاقی حکومت کا چینی کی درآمد ٹریڈنگ کارپوریشن آف پاکستان کے ذریعے کرنے کا فیصلہ

اسلام آباد (بگ ڈیجٹ) وفاقی وزیر رانا تنویر حسین کی زیر صدارت چینی درآمد سے متعلق اسٹیئرنگ کمیٹی کا اجلاس ہوا، اجلاس میں چینی کے معیار اور درآمد کے طریقہ کار پر غورکیا گیا ۔

وفاقی وزیر نے کہا کہ چینی کی درآمد ٹریڈنگ کارپوریشن آف پاکستان کے ذریعے کی جائے گی،چینی کی درآمد پر تمام ٹیکسز سے استثنیٰ دیا گیا ہے،پہلے مرحلے میں 2 لاکھ ٹن چینی کے لیے ٹینڈر جاری کیاجائے گا ،ایک ہفتے بعد مزید 1 اعشاریہ5 لاکھ ٹن چینی کی درآمد کا دوسرا ٹینڈر ہوگا ،درآمد کی جانے والی چینی موٹے دانے والی اور اعلی معیار کی ہوگی۔

رانا تنویر حسین نے کہا کہ چینی کی شپمنٹ کے بعد معائنہ لازمی قرار دیا گیا ہے،عوام کو معیاری اور سستی چینی فراہم کرنا حکومت کی ترجیح ہے ، چینی کی درآمد کا عمل شفاف اور معیاری ہوگا ، اسٹیئرنگ کمیٹی نے چینی کے معیار اور درآمدی طریقہ کار پر تفصیلی غور کیا،فیصلے عوامی مفاد اور ملکی ضروریات کو مدنظر رکھ کر کیے گئے ۔