اسلام آباد (بگ ڈیجٹ) پی ایم اے اسلام آبادکا ہنگامی اجلاس، اسپتالوں کی نجکاری کا منصوبہ مسترد
اسلام آباد (بگ ڈیجٹ) پاکستان میڈیکل ایسوسی ایشن اسلام آبادکا ہنگامی اجلاس صدر پی ایم اے پروفیسر ڈاکٹر اختر علی بندیشہ کی صدارت میں منعقد ہوا، اجلاس میں جنرل سیکرٹری ڈاکٹر محمد اجمل، سنیر نائب صدر ڈاکٹر مبشر ڈاہا، نائب صدر ڈاکٹر عابد شاہ، نائب صدر ڈاکٹر رانا جاوید، فنانس سیکرٹری ڈاکٹر خرم شہزاد اکرام گھمن، جوائنٹ سیکرٹری ڈاکٹر عابد سعید، ایگزیکٹو ممبران ڈاکٹر رانا عباس، ڈاکٹر سرتاج علی خان، پیٹرن انچیف عبدالرشد میاں و دیگر ارکان شریک ہوئے
اجلاس کے شرکا نے پنجاب میں محکمہ صحت کی پالیسیوں اور اس سے پیدا ہونے والی صورتحال پر شدید تشویش کا اظہار کیا- گرینڈ ہیلتھ الائنس کے لیڈران اور اراکین پر بہیمانہ تشدد اور انتقامی کارروائیوں کی شدید مذمت کی گئی۔ پی ایم اے نے متفقہ طور پراسپتالوں کی نجکاری کرنے کے منصوبے کو رد کرتے ہوئے حکومت پنجاب سے مطالبہ کیا کہ تمام انتقامی کارروائیوں کو فوری طور پر بند کیا جائے، تمام گرفتار افراد کو رہا کیا جائے اور گرینڈ ہیلتھ الائنس کے مطالبات کو پورا کیا جائے۔ پی ایم اے اسلام آباد اپنی کمیونٹی کے ساتھ شانہ بشانہ کھڑی ہے اور اگر معاملات کو فوری طور پر درست نہ کیا گیا تو احتجاج کا دائرہ دارالحکومت تک پھیل جائے گا۔
