اسلام آباد (بگ ڈیجٹ) اے این ایف کا ملک کے مختلف شہروں میں منشیات اسمگلنگ کے خلاف کریک ڈاؤن۔
(ملک عمران خان اعوان)
اسلام آباد (بگ ڈیجٹ) اے این ایف کا ملک کے مختلف شہروں میں منشیات اسمگلنگ کے خلاف کریک ڈاؤن۔
9 کاروائیوں میں 2 خواتین سمیت 8 ملزمان گرفتار ۔
کاروائیوں میں 4 کروڑ 83 لاکھ روپے مالیت کی 76 کلوگرام سے زائد منشیات برآمد۔
چکلالہ راولپنڈی میں واقع کوریئر آفس میں برطانیہ سے بھیجے گئے پارسل سے 26 گرام ویڈ برآمد۔
موٹروے اسلام آباد کے قریب 2 خواتین کے بیگ سے 2 کلو ہیروئن، 3.6 کلو چرس اور 1.6 کلو آئس برآمد۔
کراچی کمپنی اسلام آباد میں ملزم کے قبضے سے 1 کلو 200 گرام چرس برآمد۔
آبپارہ مارکیٹ اسلام آباد میں واقع کوریئر آفس میں آسٹریلیا بھیجے جانے والے پارسل سے 100 گرام ہیروئن اور 560 گرام آئس برآمد۔
بڑھان موٹروے انٹرچینج اٹک کے قریب گاڑی سے 500 گرام آئس برآمد، ملزم گرفتار۔
ملتان میں واقع کارگو آفس میں کراچی بھیجے جانیوالے پارسل سے 36 گرام کوکین برآمد۔
قصور کے علاقے بھیڈیاں کلاں میں موٹرسائیکل سوار 3 ملزمان کے قبضے سے 7 کلوگرام آئس برآمد۔
سمبڑیال سیالکوٹ میں ملزم کے قبضے سے 250 گرام چرس اور 200 گرام آئس برآمد۔
لسبیلہ کے غیرآباد علاقے درہ گوٹھ میں اسمگلنگ کے لئے چھپائی گئی 43.2 کلوگرام چرس اور 15.8 کلوگرام ہیروئن برآمد۔
گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
