خانیوال (بگ ڈیجٹ) خانیوال میں اسٹار سنوکر کلب کا افتتاح، نوجوانوں کے لیے جدید سہولتوں کا آغاز
خانیوال (بگ ڈیجٹ)— خانیوال میں اسٹار سنوکر کلب کا افتتاح، نوجوانوں کے لیے جدید سہولتوں کا آغاز کونیکس پاکستان کے چیئرمین ملک ابصار اعوان مہمانِ خصوصی، پروقار تقریب میں شہریوں کی بھرپور شرکت سرپرستِ اعلیٰ چوہدری شاہد سہو، کلب کو نوجوانوں کے لیے مثبت سرگرمیوں کا مرکز قرار دے دیا شہر میں کھیل اور تفریح کے نئے دور کا آغاز ہوگیا۔ راؤ صفدر پلازہ موبائل مارکیٹ کی بالائی منزل پر قائم ’’اسٹار سنوکر کلب‘‘ گزشتہ روز ایک پروقار تقریب میں افتتاح پذیر ہوا۔ افتتاحی تقریب کے مہمانِ خصوصی کونیکس پاکستان کے چیئرمین ملک ابصار اعوان تھے جنہوں نے ربن کاٹنے کے بعد کلب کی کامیابی اور ترقی کے لیے خصوصی دعا بھی کروائی۔
تقریب میں شریک معززین میں چوہدری سلیم جٹ اور افواجِ پاکستان جانثار موومنٹ کے مرکزی سینئر وائس چیئرمین سید ثاقب نقوی بھی شامل تھے۔ افتتاح کے اس موقع کو ان کی شرکت نے مزید باوقار اور یادگار بنا دیا۔
کلب کے سرپرستِ اعلیٰ خانیوال کی بزنس کمیونٹی کے ممتاز رہنما اور معروف سماجی شخصیت چوہدری شاہد سہو ہیں۔ ان کا کہنا تھا کہ اسٹار سنوکر کلب نوجوانوں کو مثبت تفریح اور اپنی صلاحیتیں اجاگر کرنے کے مواقع فراہم کرے گا۔
چیف ایگزیکٹو ٹیم میں سردار حسن رضا سہو، سردار مزمل رضا اور سردار مصعب علی شامل ہیں۔ ان کا کہنا ہے کہ کلب میں عالمی معیار کی سہولیات، مکمل اے سی نظام اور پروفیشنل اسٹاف مہیا کیا گیا ہے تاکہ خانیوال کے کھلاڑیوں کو بہترین سہولتیں فراہم کی جا سکیں۔
افتتاحی تقریب میں بزنس کمیونٹی کے نمائندوں، معزز شہریوں اور کھیلوں سے دلچسپی رکھنے والے نوجوانوں نے بڑی تعداد میں شرکت کی جن میں چوہدری قیصر بندیشہ، ملک فواد اعوان اور ملک شیر افضل شامل تھے۔ محفل کا جوش و خروش دیدنی تھا اور یہ تقریب خانیوال کی سماجی و کاروباری زندگی میں ایک اہم سنگِ میل قرار دی جا رہی ہے۔
ملک ابصار اعوان کی قیادت اور رہنمائی کو بزنس و سماجی حلقوں کی جانب سے خراجِ تحسین پیش کیا گیا۔ شرکاء نے کہا کہ ان کا وژن اور نوجوانوں سے محبت انہیں حقیقی رہنما بناتی ہے۔ اسی طرح کلب کے سرپرستِ اعلیٰ چوہدری شاہد سہو کی سماجی خدمات کو بھی سراہا گیا اور کہا گیا کہ اسٹار سنوکر کلب ان کی بصیرت اور رہنمائی کا عملی ثبوت ہے۔
