اسلام آباد (بگ ڈیجٹ) ڈی آئی جی اسلام آبادمحمد جواد طارق کی کھلی کچہری شہریوں کے مسائل سنے ،متعلقہ افسران کو مسائل کے فوری حل کے احکامات جاری کئے، میرٹ پر فوری حل ہماری اولین ترجیح ہے

اسلام آباد (بگ ڈیجٹ) ڈی آئی جی اسلام آبادمحمد جواد طارق کی کھلی کچہری
شہریوں کے مسائل سنے ،متعلقہ افسران کو مسائل کے فوری حل کے احکامات جاری کئے، میرٹ پر فوری حل ہماری اولین ترجیح ہے

انسپکٹر جنرل آف پولیس اسلام آباد سید علی ناصر رضوی کی خصوصی ہدایات کی روشنی میں اسلام آباد پولیس شہریوں کے مسائل کے حل کے لئے پرعزم ہے،اس سلسلہ میں ڈپٹی انسپکٹر جنرل آف پولیس اسلام آباد محمد جواد طارق نے اپنے دفتر میں کھلی کچہری کے دوران شہریوں کے مسائل سنے ،انہوں نے افسران کو شہریوں کے مسائل کے فوری حل کے احکامات جاری کئے،اس موقع پر انہوں نے کہا کہ شہری اپنے مسائل کے حل کے لئے ”آئی جی پی شکایت سیل1715- ”پر بھی اپنی شکایات و مسائل درج کرواسکتے ہیں،اسلام آباد پولیس مختلف اقدامات کے ذریعے عام شہریوں تک پہنچ کر ان کے مسائل کو حل کرنے کے لئے پرعزم ہے،انہوں نے مزید کہا کہ آئی جی اسلام آباد سید علی ناصر رضوی نے تمام سینئر پولیس افسران کو ضلع بھر میں کھلی کچہریوں کے انعقاد کے احکامات جاری کئے ہیں اوراس سلسلے میں تمام زونل ایس پیز اپنے زونز میں کھلی کچہریوں کا انعقاد کر رہے ہیں،انہوں نے مزید کہا کہ اسلام آباد کا کوئی بھی شہری ان کھلی کچہریوں میں کھل کر اپنے مسائل بیان کرسکتا ہے