اسلام آباد (بگ ڈیجٹ) ایس پی سپریم کورٹ دفتر میں رینک لگانے کی تقریب کا انعقاد

اسلام آباد (بگ ڈیجٹ) ایس پی سپریم کورٹ دفتر میں رینک لگانے کی تقریب کا انعقاد
ایس پی سپریم کورٹ طارق اقبال نے محکمانہ ترقی پانے والے پولیس افسران کو رینک لگائے ،مبارکباد پیش کی اور ان کے لئے نیک خواہشات کا اظہار کیا۔
تفصیلات کے مطابق سپرٹینڈنٹ آف پولیس سپریم کورٹ دفتر میں اگلے عہدوں پر ترقی پانے والے پولیس افسران کے اعزاز میں پروقار تقریب کا انعقاد کیا گیا،تقریب میں ایس پی سپریم کورٹ اور ڈی ایس پی سپریم کورٹ نے مختلف عہدوں پر محکمانہ ترقی پانے والے پولیس افسران کو رینک لگائے،انہوں نے تمام ترقی یاب ہونے والے پولیس افسران کومبارکباد دی اور ان کے لئے نیک دلی خواہشات کا اظہار کیا،اس موقع پر ایس پی سپریم کورٹ نے ترقی پانے والے پولیس افسران سے خطاب کرتے ہوئے کہا کہ اب آپ سب کے کاندھوں پر ذمہ داریاں بڑھ گئی ہیں ،آئی جی اسلام آباد سید علی ناصر رضوی نے واضح احکامات جاری کئے ہیں کہ تمام خالی پوسٹوں پر ترقیوں کا سلسلہ جاری رکھا جائے ،یہ آپ کی محنت اور کاوشوں کے صلہ ہے کہ اللہ تعالی نے آپ کو اس مقام پرپہنچایا ہے اب آپ کو پہلے سے زیادہ ذمہ داریاں سونپی گئی ہیں،آپ ان عہدوں پر اپنے فرائض منصبی احسن طریقے سے سرانجام دیتے ہوئے اپنے محکمہ کی نیک نامی کا باعث بنیں اور محکمہ پولیس کی ویلفئیر، شہریوں کوانصاف کی فراہمی کو اپنااولین شعار بناتے ہوئے آسانیاں پیدا کرنے کا باعث بنیں، انہوں نے مزید کہا کہ میں امید کرتا ہوں کہ آپ ہمیشہ کی طرح خوش اخلاقی، دلجمعی، نیک نیتی اور شہریوںکی مدد کے جذبے سے سرشار ہو کر فرائض منصبی سرانجام دیں گے