اسلام آباد (بگ ڈیجٹ) رُوا الحرم المکی کمپنی کے چھ اہم معاہدے، سٹی اسکیپ گلوبل میں کامیاب پذیرائی
اسلام آباد (بگ ڈیجٹ) رُوا الحرم المکی کمپنی کے چھ اہم معاہدے، سٹی اسکیپ گلوبل میں کامیاب پذیرائی
۔ رُوا الحرم المکی کمپنی نے سٹی سکیپ گلوبل میں چھ اسٹریٹجک معاہدے کیے،جو کنگ سلمان گیٹ کے لیے سرمایہ کاری اور شراکت داری کے نئے مواقع پیدا کریں گے۔
۔ کنگ سلمان گیٹ کو ایک اہم عالمی مرکز کے طور پر پیش کیا گیا ہے جو مکہ مکرمہ کے قلب میں عالمی مسلم کمیونٹی کو یکجا کرے گا۔
۔ چار روزہ نمائش کے دوران کنگ سلمان گیٹ کے بوتھ پر ہز اروں افراد نے پراجیکٹ کی مکہ کے ثقافتی ورثے سے مطابقت اور اسکی دلفریب منظر کشی کو بے حد سراہا۔
24 نومبر، 2025۔ پبلک انویسٹمنٹ فنڈ (پی آئی ایف) کی زیر ملکیت اور ماہر تعمیرات، رُوا الحرم المکی کمپنی نے اعلان کیا ہے کہ کمپنی نے مکہ مکرمہ کے قلب میں واقع کنگ سلمان گیٹ منصوبے کی افتتاحی تقریب میں ہی عالمی اشتراک اور بین الاقوامی سرمایہ کاری میں پیش رفت کی خاطر سعودی عرب، انڈونیشیا، ملائیشیا، برونائی اور امریکہ کے شراکت داروں سے چھ مفاہمتی یاد داشتوں کے معاہدوں پر دستخط کئے ہیں۔ یہ کمپنی سٹی اسکیپ گلوبل 2025 کی فاؤنڈیشن پارٹنر بھی ہے۔
کمپنی کے مطابق یہ معاہدے اس عزم کی عکاسی کرتے ہیں کہ دنیا بھر کی مسلم کمیونٹی کو مکہ مکرمہ کی ترقی کے سفر میں شامل کیا جائے۔ دنیا کے مختلف ممالک کے پارٹنرز کی سرمایہ کاری اور اشتراک کے ذریعے کمپنی مکہ میں ایسے مقامات قائم کرنا چاہتی ہے جو دنیا بھر سے آنے والے زائرین، معتمرین اور کاروباری طبقے کی ضروریات پوری کریں۔
ریاض میں 17 سے 20 اکتوبر 2025 تک جاری رہنے والے سٹی اسکیپ گلوبل کے دوران رُوا الحرم المکی کمپنی نے درج ذیل قابل ذکر کمپنیوں سے مفاہمتی یاد داشت کئے۔
سعودی عرب کی رئیل اسٹیٹ انویسٹمنٹ و ایسٹ مینجمنٹ فرم اصول نے کنگ سلمان گیٹ میں سرمایہ کاری کے مواقع کے لئے کمپنی کے ساتھ مفاہمتی یاد داشت کے معاہدے پر دستخط کئے۔
ا نڈونیشیا کی حج فنانشل مینجمنٹ ایجنسی نے رُوا الحرم المکی سے مفاہمتی یادشت کے دو معاہدے کئے۔ ایک معاہدہ، کنگ سلمان گیٹ میں اسٹریٹجک سرمایہ کاری کے امکانات پر کیا گیا۔دوسرا معاہدہ کمپنی کے مستقبل کے ترقیاتی منصوبوں میں اربن ڈائننگ کے اشتراک پر کیا گیا۔
اسی طرح، ملائیشیا کی معروف پراپرٹی اور انفراسٹرکچر ڈیویلپر کمپنی نے رُوا الحرم المکی کے ساتھ کنگ سلمان گیٹ پروجیکٹ میں باہمی تعاون کے لئے جوائنٹ وینچر مفاہمتی یاد داشت پر دستخط کئے۔
برونائی کے اسلامی ٹرسٹ فنڈ نے رُوا الحرم المکی کمپنی کے ساتھ مکہ مکرمہ میں کمپنی کی ایک مخصوص اراضی میں سرمایہ کاری کے جائزے کے لیے جنرل انویسٹمنٹ مفاہمتی یاد داشت کے معاہدے پر دستخط کئے۔
ف وربز کی خصوصی رئیل اسٹیٹ پارٹنر، فوربز گلوبل پراپرٹیز نے اسٹریٹجک اشتراک قائم کرنے کے لیے رُوا الحرم المکی کمپنی کے ساتھ مفاہمتی یاد داشت پر دستخط کیے۔ رُوا الحرم المکی کمپنی پہلی رئیل اسٹیٹ تعمیراتی کمپنی ہے جو فوربز گلوبل پراپرٹیز کے عالمی نیٹ ورک کا حصہ بنی ہے۔ اس معاہدے کی بدولت فوربز کے عالمی نیٹ ورک کے ذریعے کمپنی کی عالمی سطح پر ساکھ اور بڑے سرمایہ کاروں تک رسائی مزید بڑھے گی۔
یہ معاہدے کنگ سلمان گیٹ پروجیکٹ کی ترقی میں ایک نیا سنگ میل ثابت ہوں گے۔ مسجد الحرام کے نزدیک واقع یہ تاریخی اور جدید طرز کا بڑا منصوبہ شہری زندگی، مہمان نوازی اور ثقافتی ورثے کے تحفظ کے نئے معیار قائم کرے گا۔ یہ پروجیکٹ سعودی وژن 2030 کے اہداف کی تکمیل میں بھی اہم کردار ادا کرے گا اور مکہ مکرمہ کو عالمی سطح پر مزید نمایاں مقام دلائے گا۔
رُوا الحرم المکی کمپنی مزید عالمی سرمایہ کاروں اور شراکت داروں کا خیرمقدم کرتی ہے، کیونکہ کنگ سلمان گیٹ منصوبہ اب اپنے اگلے ترقیاتی مرحلے میں داخل ہورہا ہے۔
رُوا الحرم المکی کمپنی کا تعارف
رُوا الحرم المکی، پبلک انویسٹمنٹ فنڈ (پی آئی ایف) کا حصہ ہے اور یہ ایک سعودی تعمیراتی کمپنی ہے جو مکہ مکرمہ میں مسجد الحرام کے اردگرد تعمیراتی منصوبوں کی تکمیل کے لیے وقف ہے۔ کمپنی کا مقصد مکہ مکرمہ کے انفراسٹرکچر کو عالمی معیار کے مطابق ترقی دینا ہے، تاکہ دنیا بھر کے مسلمانوں کی ضروریات پوری کرتے ہوئے شہر کے عظیم تاریخی اور ثقافتی ورثے کو محفوظ رکھا جا سکے۔
رُوا الحرم المکی کمپنی کثیرالمقاصد تعمیراتی منصوبوں کی ترقی میں مہارت رکھتی ہے، جن میں عالمی معیار کی رہائشی، تجارتی، سیاحتی اور ثقافتی سہولتیں شامل ہیں۔ کمپنی مضبوط اقدار، پائیداری، اعلیٰ معیار، اور مکہ مکرمہ آنے والے لوگوں کے تجربے کو بہتر بنانے کے عزم کے ساتھ رئیل اسٹیٹ کے شعبے میں عالمی معیار کی ترقی کی نئی مثال قائم کرنے کیلئے کوشاں ہے۔
