راولپنڈی (بگ ڈیجٹ) ایس ایچ او تھانہ ٹیکسلا حامد کاظمی کی ہمراہ پولیس ٹیم کارروائی

راولپنڈی (بگ ڈیجٹ)(مظہر شاہ)ایس ایچ او تھانہ ٹیکسلا حامد کاظمی کی ہمراہ پولیس ٹیم کارروائی، ڈکیتی اور موٹر سائیکل چوری کی وارداتوں میں ملوث چار رکنی بالی گینگ گرفتار،مسروقہ و چھینے گئے 12 موٹر سائیکل، لاکھوں روپے مالیت کے 22 موبائل فون و رقم 1 لاکھ روپے اور اسلحہ برآمد، زیرحراست افراد کو ٹھوس شواہد کے ساتھ چالان عدالت کیا جائے گا، ایس پی پوٹھوہار طلحہ ولی۔تفصیلات کے مطابق تھانہ ٹیکسلا پولیس نے کارروائی کرتے ہوئے ڈکیتی اور موٹر سائیکل چوری کی وارداتوں میں ملوث چار رکنی بالی گینگ کو گرفتار کرلیا،گینگ سے مسروقہ و چھینے گئے12 موٹر سائیکل، لاکھوں روپے مالیت کے 22 موبائل فون و رقم 1 لاکھ روپے اور اسلحہ برآمد ہوا،ٹیکسلا پولیس نے ٹیکنیکل و ہیومن انٹیلی جنس ذرائع بروئے کار لاتے ہوئے گینگ ارکان کو گرفتار کیا،گینگ کے انکشاف و نشاندہی پر تمام برآمدگی عمل میں لائی گئی،گینگ نے دوران تفتیش مختلف اضلاع میں 25 سے زائد وارداتوں کا بھی انکشاف کیا،گینگ ارکان قبل ازیں جڑواں شہروں میں ڈکیتی،چوری اور اسلحہ ناجائز کے مقدمات میں ملوث و ریکارڈ یافتہ ہیں،ایس پی پوٹھوہار طلحہ ولی کاکہنا تھا کہ زیرحراست افراد کو ٹھوس شواہد کے ساتھ چالان عدالت کیا جائے گا۔