LOADING

Type to search

اسلام آباد(بگ ڈیجٹ) پی ٹی آئی جلسے کے انعقاد میں حائل تمام رکاوٹیں دور، قیادت نے کال دیدی

Share this to the Social Media

ضلعی انتظامیہ کی جانب سے پی ٹی آئی کو 6 جولائی کو ترنول اسلام آباد میں جلسے کی اجازت دئے جانے کے بعد قیادت نے کارکنان کو بھرپور شرکت کی کال دے دی ہے۔

ضلع انتظامیہ نے اسلام آباد ہائی کورٹ کو اجازت دئے جانے کے حوالے سے آگاہ کیا، جس کے بعد عدالت نے این او سی جاری ہونے پرعامرمسعود مغل کی درخواست نمٹا دی۔پی ٹی آئی کی اسلام آباد میں جلسہ کرنے کی اجازت سے متعلق درخواست پر سماعت ہوئی۔ جسٹس بابر ستار نے کیس کی سماعت کی۔ اسٹیٹ کونسل نے کہا کہ پی ٹی آئی کوترنول چوک کے پاس 6 جولائی کوجلسے کی اجازت دیدی ہے۔بعدازاں اسلام آباد ہائیکورٹ نے این اوسی جاری ہونے پرعامرمسعود مغل کی درخواست نمٹا دی۔

اجازت ملنے کے بعد قیادت کی جانب سے لاہور سمیت پنجاب بھر سے کارکنان کو شرکت کی کال دے دی گئی ہے۔پی ٹی آئی قیادت نے کہا ہے کہ لاہور سے کارکنان کی بڑی تعداد جلسے میں شرکت کیلئے اسلام آباد جائے گی، بہت عرصے بعد پی ٹی آئی کو جلسے کی اجازت ملی ہے، جلسے میں عوام کا ٹھاٹھیں مارتا ہوا سمندر ہوگا۔قیادت نے کہا کہ پنجاب بھر سے کارکنان جلسے میں شرکت کی تیاری کریں، یہ جلسہ بانی چئیرمین پی ٹی آئی کی رہائی کیلئے پانی کا پہلا قطرہ ثابت ہوگا۔

Leave a Comment

Your email address will not be published. Required fields are marked *